तिलप्रसाद श्रेष्ठ सर्वोच्चको न्यायाधीश नियुक्त

काठमाडौं । संसदीय सुनुवाइ अनुमोदन भएपछि तिलप्रसाद श्रेष्ठ सर्वोच्च अदालतको न्यायाधीशमा नियुक्त भएका छन् । राष्ट्रपति विद्यादेवी भण्डारीले नेपालको संविधान धारा १२९ को उपधारा २ बमोजिम न्याय परिषद्को सिफारिसमा श्रेष्ठलाई सर्वोच्चको न्यायाधीश नियुक्त गरेकी हुन् । समितिले श्रेष्ठको नाम मंगलबार सर्वसम्मतिले अनुमोदन गरेको थियो ।