राष्ट्रकवि माधवप्रसाद घिमिरेको निधन
२०७७ भदौ २ मंगलबार १८:५५:००
मा प्रकाशित
काठमाडौं । राष्ट्रकवि माधवप्रसाद घिमिरेको आज मंगलबार निधन भएको छ। साँझ ५ बजेर ५५ मिनेटमा आफ्नै निवासमा घिमिरेको निधन भएको हो ।
वि.स. ७ आश्विन १९७६ मा लमजुङ जिल्लाको पुस्तुन गाउँमा जन्मिएका राष्ट्रकवि घिमिरेका कविता, नाटक, यात्रा, संस्मरण र निबन्धहरू प्रकाशित छन् भने केही कालजयी गीत पनि उत्तिकै लोकप्रिय छन् ।
शोककाव्य गौरी नेपाली समाजमा औधि मन पराईएको कृति मानिन्छ ।
राष्ट्रकवि घिमिरेले पद्मश्री साधना सम्मानलगाय विभिन्न पुरस्कारहरू प्राप्त गरेका छन्।
घिमिरेका नवमञ्जरी, घामपानी, नयाँ नेपाल, किन्नर किन्नरी, गौरी, मालती-मंगले, राजेश्वरी, राष्ट्रनिर्माता, चारु चर्चा र आफ्नो बाँसुरी आफ्नै गीत लगायतका कृतिहरू प्रकाशित छन्।
राष्ट्रकवि घिमिरेप्रति सरल पत्रिका परिवारको हार्दिक श्रध्दाञ्जलि !
