लुक्लामा अलपत्र परेका भारतियले सुष्मा स्वराज गुहारे
काठमाडौं, १३ जेठ । वसन्त ऋतृको मौका पारेर सगरमाथा बेस क्याम्प घुम्न आएका केहि भारतियहरु खराब मौसमका कारण लुक्लामा अलपत्र परेका छन् ।
लगातार २ दिनसम्म खराब मौसमका कारण काठमाडौं आउन नपाएपछि भारतीय डाक्टर अमित ठाढानीले भारतिय विदेश मन्त्री सुष्मा स्वराजलाई गुहारेका थिए ।
ट्वीटरमा स्वराजलाई गुहार्दै डाक्टर ठाडानी आक्रामक हुँदै भनेका छन्, ‘हामी २ दिन देखि लुक्लामा अलपत्र छौं, हेलिकप्टर कम्पनीले प्रति व्यक्ति ६ सय डलर तिरेमात्र लैजाने भनेका छन् ।’ काठमाडौंबाट लुक्ला आउँदा २ सय डलर मात्र तिरेको पनि उनले बताएका छन् ।
उनको ट्वीटमा जवाफ दिंदै अर्का भारतिय नागरिक भन्छन् , ‘ खराब मौसमका कारण करिब १५ जना भारतियहरुले पहिलै बुक गरेको हेलिकप्टरले फ्लाइट रद्द गरेको कारण अलपत्र छन् । अहिले हेलिकप्टर संचालकहरु अस्वभाविक रकम मागिराखेको कारण उनिहरुलाई सहयोगको आवश्यकता छ ।’
स्वराजले पनि तत्कालै नेपाल स्थीत भारतिय दुतावासका राजदुत मन्जीव सिंह पुरीलाई सो ट्वीट फरवार्ड गर्दै यस विषयलाई हेर्नको लागि आग्रह गरेकि छिन् ।
सगरमाथा घुम्न जानेहरुको लागि लुक्ला मुख्य प्रवेशद्वार हो । वसन्त ऋतृमा यस क्षेत्रमा घुम्न आउनेहरुको बाक्लो उपस्थीती हुने गरेको छ ।
