यसो गरे कसो होला ओलीजी !
मुलुकबारे तपाइँका सपना, विश्वास र दृढता स्वागतयोग्य छन् ओलीजी !
इमान्दार पनि हुनु होला नै ! यतिखेर तपाइँ मुलुकका सबैभन्दा लोकप्रिय नेता पनि हुनुहुन्छ ! तपाइँमाथि विश्वास नगर्नु पर्ने कारण अहिले सम्म देखिएको छैन !
तपाइँका यी राजनीतिक पूँजीलाई मुलुकको वृहतत्तर हितमा लागू गर्ने हो भने देश उठ्न समय लाग्दैन ! तर ती सपना, विश्वास र दृढतालाई कार्यरूपमा लैजान झन् ठूला सपना, विश्वास र दृढता बोकेका उच्चतम योग्यता, क्षमता, निष्ठा भएका सहयोगीहरू आवश्यक हुन्छन नी त ओलीजी !
एकाध बाहेक तपाइँका मन्त्रीहरू त्यो कोटीमा परेका देखिएका छैनन् !
योग्यता र क्षमता सावित गरेर मुलुकमा पौरख गरेर खानेलाई प्रोत्साहन नगरी मुलुक उठ्दैन र त्यसको लागि नीति निर्माण र कार्यान्वयनकाका क्षेत्र देखि मुलुकका सबै उत्पादक र सेवा क्षेत्रमा उच्चतम योग्यता, क्षमता र कौशल भएका व्यक्तिहरू आवश्यक हुन्छन । तर योग्यता र क्षमतालाई निषेधगर्ने, इलमी र पौरखीलाई निरुत्साहित गर्ने, कम योग्यता र निष्ठाका व्यक्तिहरूलाई आरक्षणको नाउँमा मुलुकको नीति निर्माण, कार्यान्वयन, अन्य उत्पादक र सेवा क्षेत्रमा भरेर मुलुक उठ्न र सम्वृद्ध हुन सक्दैन !
झन् झन् तल झर्दै जाने मात्र हो !
योग्यता र क्षमता सावितनै नगरी जात, वर्ण, लिङ्गको आधारमा आकर्षक राज्य अवशर र सुविधा पाउने र त्यसमा पनि फेरी नेताहरूसँगको निकटताले प्राथमिकता पाउने भएपछि कसैले किन परिश्रम गरेर योग्यता र क्षमता आर्जान गर्ने होला ?
चीनको तुलनामा भारतका सम्भावनाहरू असीमित छन्, कुनै बेला भारत संसारकै सबैभन्दा शक्तिशाली र सम्वृद्ध मुलुक पनि थियो तर आज भारत र चीनका वीच कुनै तुलना नै हुँदैन !
भारत दशकौं पछाडि छ चीन भन्दा !
चीनले योग्यता र क्षमतालाई प्राथमिकता दियो,भारतले आरक्षणको नाउँमा जाती प्रथालाईनै सँस्थागत गरिदियो !
हामी त्यही गरिरहेका छौं !
सबैलाई योग्यता र क्षमता विकास गर्ने समान अवशर दिनुस न ! शिक्षा र शीप आर्जन गर्ने उन्नत अवशर निर्माण गरिदिनुस न !
स्वाभिमानकासाथ उठ्ने र बाँच्ने वातावरण सिर्जना गरिदिनोस न ! राजनीतिक निकटता र आस्थाको आधारमा मात्रै अवशर प्राप्त हुने अवस्थालाई अन्त्य गर्नोस त !
कानुनको सर्वोपरितालाई दृढतापूर्वक स्थापना गर्नोस त ! त्यसले मात्रै भेदभाव र पक्षपात रहित समाज निर्माण गर्दछ ! क्षमता, स्वाभिमान र विश्वासको राष्ट्र खडा गर्दछ !
अनि पो तपाइँका सपना चरितार्थ हुने दिन आउँछ त !
कठोर अनुशासन, साहश,परिश्रम र क्षमता निर्मित राष्ट्र बनाउन प्रतिवद्ध हुनुहोस त ! त्यसकोलागि प्रतिपक्षी दललाई समेत विश्वासमा लिन इमान्दार प्रयास गर्नु होस् त !
सपनाका गफ मात्रै त तपाइँभन्दा केशव स्थापितले धेरै मिलाएर गर्दछन् !
(फेसबूकवालबाट)