शिल्पा शिंदे बनिन बिग बोस ११ को विजेता
चर्चित टेलिभिजन सिरियल भाबी जी घर पर है मा अंगुरी भाभीको भूमिका निर्वाह गर्ने शिल्पा शिंद रियालिटी शो बिग बोस ११ को विजेता बनेकी छिन् ।
आइतबार साँझ भएको ग्राण्ड फिनालेमा उनले हिना खानलाई हराएर बिग बोसको ताज पहिरिएकी हुन् । बिग बोसलाई विशेष बनाउनका लागि सलमान खानसँगै अक्षय कुमार पनि आफ्नो चलचित्र प्याडम्यानको प्रमोसन गर्न पुगेका थिए ।
बिग बोसको घरमा शिल्पाले एक सय ५ दिन बिताइन । आइतबार साँझ फाइनलका बेला घरबाट बाहिर निस्कने प्रक्रिया चलिरहेको थियो ।
बिगबोसका बिजेता शिल्पाले ट्रफि सहित ४४ लाख लाख भारतीय रुपैयाँ नगद हात पारेकी छिन् ।
सन १९९९ बाट टेलिभिजन करियर शुरु गरेकी शिल्पा अंगुरी भाभीको भूमिकामा निकै लोकप्रिय भएकी थिइन् । तर २०१६ मा निर्मातासँग विवाद भएपछि उनी उक्त सिरियलबाट बाहिरिएकी थिइन् । उनले निर्मातालाई यौन उत्पीडनको आरोप लगाएकी थिइन । उनी उक्त शो बाट बाहिरिएपछि लामो समयसम्म बेरोजगार भएकी थिइन ।