काठमाडौं महानगरमा विकास निर्माणको काम अब तीनै तहका सरकारको समन्वयमा मात्र

काठमाडौं । काठमाडौँ महानगरपालिकाभित्र विकास निर्माण र भौतिक पूर्वाधारको काम तीनै तहका सरकारी निकायद्वारा समन्वय गरेर मात्रै अघि बढाउनुपर्ने भएको छ।

महानगरप्रमुख बालेन साहको संयोजकत्वमा शुक्रबार अबेरसम्म बसेको बैठकले विकास निर्माणका काममा सम्बद्ध सबै निकायले साझा उपाय अबलम्वन गर्ने गरी अघि बढ्ने निर्णय गरेको हो।

उपप्रमुख सुनिता डंगोलका अनुसार बैठकले असारदेखि महिनाको पहिलो सोमबार दिउँसो ३ बजे प्रमुख साहको अध्यक्षतामा बैठक बसी महानगरभित्रका निर्माण तथा सेवा प्रवाहबारे सम्बन्धित निकायले जानकारी गराउनु पर्नेछ।

बैठकमा नेपाल विद्युत् प्राधिकरणका कार्यकारी निर्देशक कुलमान घिसिङ, काठमाडौं उपत्यका खानेपानी लिमिटेड, नेपाल दूरसञ्चार प्राधिकरण, सडक विभाग र मेलम्ची खानेपानी आयोजनाका प्रतिनिधि पनि सहभागी थिए।