धरानको मेयरमा स्वतन्त्र उम्मेदवार हर्क साम्पाङ विजयी

धरान । धरान उपमहानगरपालिकाको मेयरमा स्वतन्त्र उमेदवार हर्क साम्पाङ विजयी भएका छन् । उनी २० हजार ८ सय २१ मत प्राप्त गर्दै मेयरमा विजयी भएका हुन् ।

उनका निकटतम प्रतिद्वन्द्वी गठबन्धनकातर्फबाट नेपालीका कांग्रेसका किशोर राईले १६ हजार ५९ मत प्रप्त गरेका छन् । उपमेयरमा भने नेकपा माओवादी केन्द्रका अइन्द्रबिक्रम बेघा निर्वाचित भएका छन् । २० हजार ५१० मत ल्याएर बेघा निर्वाचित हुँदा निकटतम प्रतिस्पर्धी नेकपा एमलेका पदमप्रसाद लिम्बुले १७ हजार ६०६ मत मात्र पाए ।

साम्पाङ विगत लामो समयदेखि धरान उपमहानागरपालिका भित्र रहेर खानेपानी, धरानस्थित वीपी कोइराला स्वास्थ विज्ञान प्रतिष्ठानको वोथिती, खोला उत्खनन् तथा विभिन्न स्थानीय तथा राष्ट्रिय मुद्दाहरूमा अभियान्ता बनेर आन्दोलन गरिरहेका थिए ।