२० जनामा कोभिड संक्रमण, २७ जना संक्रमणमुक्त

काठमाडौं । पछिल्लो २४ घण्टामा थप २० जनामा कोभिड संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ३२२२ वटा नमुना परीक्षण गर्दा २० जनामा संक्रमण पुष्टि भएको हो ।

त्यस्तै सोही अवधिमा २७ जना संक्रमणमुक्त भएका छन् । कोरोना संक्रमणबाट कसैको पनि मृत्यु नभएको मन्त्रालयले जनाएको छ । देशभर कोरोनाका सक्रिय संक्रमितको संख्या २२१ रहेको मन्त्रालयले जनाएको छ ।