३६ अङ्कले घट्यो शेयर बजार
२०७९ बैशाख ७ बुधबार १५:५६:००
मा प्रकाशित
![](https://archive.saralpatrika.com/uploads/news/images/stock-760x5072021-10-03-08-59-35.jpeg)
काठमाडौं । शेयर बजार बुधवार ३६ अङ्कले घटेको छ । मङ्गलबार १३ अङ्कले बढेको नेप्से बुधबार ३६ दशमलव ७३ अङ्कले घटेर दुई हजार तीन सय २० दशमलव ५१ विन्दुमा झरेको हो ।
सबै समूहको शेयर ओरालो लागेकोमा विकास बैंक, बीमा, होटल र माइक्रोफाइनान्स समूहको शेयर उच्च अङ्कले घटेको छ । दुई सय २८ कम्पनीका ३५ लाख ७० हजार कित्ता शेयर एक अर्ब ४५ करोड ८७ लाख रुपैयाँमा कारोबार भएको छ । सबैभन्दा धेरै नेष्डो समृद्ध लघुवित्तको १४ करोड १९ लाख रुपैयाँको शेयर किनबेच भयो ।
आज सबैभन्दा धेरै नेष्डो समृद्ध लघुवित्तको शेयर १० प्रतिशतले तथा हिमालयन ऊर्जा विकास कम्पनी, तेह्रथुम पावर र युनियन हाइड्रो पावर कम्पनीको शेयर ६ प्रतिशतभन्दा धेरैले घटेको छ । समग्रमा बजार राताम्मे भए पनि ग्रीन भेन्चर्स कम्पनी र जालपा लघुवित्तको शेयर १० प्रतिशतले बढेको छ ।