सरकार छाड्न माओवादी र एकीकृत समाजवादीलाई भट्टराईको आग्रह
![](https://archive.saralpatrika.com/uploads/news/images/baburam-bhattarai-22021-06-03-02-36-22.jpeg)
काठमाडौं । पूर्वप्रधानमन्त्री डा. बाबुराम भट्टराईले एमसीसीको समर्थक विरोधीहरु गठबन्धनमा बस्न नमिल्ने बताएका छन् । बुधबार सामाजिक संजालमार्फत भट्टराईले नेकपा माओवादी केन्द्र र नेकपा(एकीकृत समाजावदी)लाई लक्षित गर्दै यस्तो बताएका हुन् ।
उनले एमसीसी मुद्दालाई एउटा विकास अनुदानको विषय मात्र नबनाएर देशको परराष्ट्र नीति,राज्यप्रणाली र विकास नीतिको विषय बनाउनुपर्ने बताएका छन् ।
उनले भनेका छन्, ‘एमसीसी मुद्दालाई एउटा विकास अनुदानको विषय मात्र नबनाएर देशको परराष्ट्र नीति,राज्यप्रणाली र विकास नीतिको विषय बनाउने हो भने यसका समर्थक र विरोधीहरू एउटै गठबन्धन/सरकारमा बस्न मिल्दैन ! सत्ताको तर पनि मार्ने र बाहिर साखुल्ले हुने छुट हुनुहुदैन।भेडा भेडासंग बाख्रा बाख्रासंग हुनु राम्रो !’
सत्ता गठबन्धनका कांग्रेस र जनता समाजवादी एमसीसी अनुमोदन गर्नुपर्ने पक्षमा छन् भने माओवादी केन्द्र र एकीकृत समाजवादी यथास्थितिमा एमसीसी अनुमोदन गर्न नहुने पक्षमा छन् ।
MCCको मुद्दालाई एउटा विकास अनुदानको विषय मात्र नबनाएर देशको परराष्ट्र नीति,राज्यप्रणाली र विकास नीतिको विषय बनाउने हो भने यसका समर्थक र विरोधीहरू एउटै गठबन्धन/सरकारमा बस्न मिल्दैन!सत्ताको तर पनि मार्ने र बाहिर साखुल्ले हुने छुट हुनुहुदैन।भेडा भेडासंग बाख्रा बाख्रासंग हुनु राम्रो!
— Baburam Bhattarai (@brb1954) February 15, 2022