काबुलमा भएको आत्मघाती आक्रमणमा मारिनेको सङ्ख्या १९ पुग्यो, ५० भन्दा बढी घाइते
२०७८ कार्तिक १६ मंगलबार २०:३७:००
मा प्रकाशित
![](https://archive.saralpatrika.com/uploads/news/images/kabuls2021-11-02-08-43-07.jpeg)
अफगानिस्तानको राजधानी काबुलस्थित सैनिक अस्पताल नजिकै मङ्गलबार गराइएको विष्फोटमा मृत्यु हुनेको सङ्ख्या १९ पुगेको स्वास्थ्य मन्त्रालयले पुष्टि गरेको छ । आक्रमणमा कम्तीमा ५० जना घाइते भएका छन् ।
आक्रमणकारीले सैनिक अस्पतालको गेटनजिकै विस्फोट गराएपछि अस्पताल परिसरमा प्रवेश गरी केही राउण्ड गोली पनि चलाएको तालिवान स्रोतले बताएको छ ।अफगानिस्तानमा तालिवान समूहले सत्ता कब्जामा लिए पछि सैनिक कार्यालयलाई लक्षित गरिएको जस्तो देखिने यो आक्रमणको कुनै समूहले जिम्मेवारी लिएको छैन ।
अफगानिस्तानमा २० बर्षसम्म अमेरिकी सैन्य गठबन्धनसँग लडेको तालिवान समूहले सत्ता कब्जा लिएपछि देशमा राजनैतिक स्थायित्वका लागि प्रयासरत देखिएको छ तर द्वन्द्वको शान्तिपूर्ण निकास पहिल्याउन कठिनाइ पर्नै देखिएको छ ।