चितवन टाइगर्स इपिएलको फाइनलमा
काठमाडौं । चितवन टाइगर्स पहिलो पटक एभरेस्ट प्रिमियिर लिग (इपिएल)को फाइनलमा प्रवेश गरेको छ । आज भएको पहिलो क्वालिफायरमा चितवनले पोखरा राइनोज माथि नौ विकेटको शानदार जीत हात पार्यो ।
चितवनको जितमा स्पिनर साग ढकाल र साहव आलमले उत्कृष्ट बलिङ गर्दा मोहम्मद साहजादले विस्फोटक पारी खेले । पोखराले दिएको ६७ रनको झिनो लक्ष्य चितवनले ७ ओभर ५ वलमा मात्र एक विकेटनो नोक्सानी पुरा गर्यो । चितवनको सहज जितका लागि मोहम्मद शाहजादले ४८ रनको उत्कृष्ट पारी खेले । अर्धशतक बनाउनबाट दुई रनले चुकेका उनले ७ चौका र २ छक्का प्रहार गरे । उनी नन्दन यादवको वलमा आउट भएका थिए ।
हासिम अन्सारी १४ र करिम जन्नत ४ रनमा अविजित रहे । यसअघि टियु मैदानमा टस हारेर ब्याटिङ गरेको पोखरा खराब प्रदर्शन गर्दै १५ ओभरमा ६६ रनमा अल आउट भएको थियो । यो इपिएल इतिहासकै सर्वाधिक कम स्कोर हो । यसअघि पनि पोखराकै नाममा सबैभन्दा कम रन बनाउने कीर्तिमान थियो ।
गत संस्करण पोखराले विराटनगर वारियर्स विरुद्ध ८४ रन बनाएको थियो । सागर र साहबले धारिलो बलिङ गरेपछि पोखराको पारी धरासायी बनेको थियो । पोखराका लागि मात्र तीन खेलाडीले दोहोरो रन बनाएका थिए । टिमको स्कोर ३३ रन हुँदा रिचर्ड लेभी पहिलो विकेटका रुपमा आउट भएका थिए ।
१९ रन बनाएका लेभी सोमपाल कामीको वलमा आउट भएका हुन् । त्यसपछि पोखरा सम्हालिन सकेन् । ३३ रन जोड्दा पोखराले बाँकी सवै विकेट गुमायो । सुनिल धमलाले १८ र सुसन भारीले १२ रन बनाए । कप्तान विनोद भन्डारी गोल्डेन डक आउट भए ।
साहन आराचिगे ३, असेला गुणारत्ने १, विकेक यादव २, विक्रम सोब ३ रमा पवेलियन फर्किए । सागर र साहवले चार चार विकेट लिए । सागरले चार ओभरमा १४ रन खर्चिदा साहवले केवल दश रन दिएका थिए । सोमपाल र करिम जन्नतले एक एक विकेट लिए । जारी इपिएलमा चितवनले पोखरालाई लगातार दोस्रो पटक पराजित गरेको हो । लिग चरणमा चितवनले पोखरालाई नौ विकेटको जित हात पारेको थियो । हारका बाबजुत पोखराले अर्को एक मौका पाउनेछ । उसले अब एलमिनेटरको विजेतासँग खेल्नेछ ।