आज आदिकवि भानुभक्त आचार्यको २०७ औं जन्मजयन्ती
२०७७ असार २९ सोमबार ०८:३८:००
मा प्रकाशित
आज आदिकवि भानुभक्त आचार्यको २०७ औं जन्मजयन्ती देशभर विभिन्न कार्यक्रम गरेर मनाइँदैछ ।
१८७१ साल असार २९ गते तनहुँको चुँदी रम्घामा जन्म लिएका भानुभक्तले रामायण’को भावानुवाद गरी नेपाली समाजमा साहित्य र धर्मको जगेर्ना गरेका छन् ।
आचार्यको प्रश्नोत्तर, भक्तमाला, वधूशिक्षा, रामगीता, लगाएत विभिन्न कृति प्रकाशित छन् । आचार्यको जन्मजयन्तीको अवसरमा आज देश तथा विदेशमा विभिन्न कार्यक्रम गरी मनाइँदैछ ।
यस्तै, भानुजयन्तीको अवसरमा तनहुँको भानु नगरपालिकाले आज सार्वजनिक बिदा दिएको छ ।
(नेपाल समाचारपत्र दैनिकबाट)
