आतंकवादीहरू दिल्ली प्रवेश ! घर भाडामा दिनुअघि विचार गर्नुपर्ने
गुप्तचर एजेन्टहरूले सुरक्षा एजेन्सीलाई लश्कर–ए–तैयबा गिरोहका चार–पाँच जना आतंककारीहरू भारतको दिल्लीमा प्रवेश गरेका एउटा डरलाग्दो खबर दिएका छन ।
दिल्ली र एनसीआर भीडभाड र महत्त्वपूर्ण क्षेत्र यी आतंककारीहरुद्वारा लक्षित छन्। आतंककारीहरूले बम विष्फोटन गरेर वा अन्धाधुन्ध गोलीबारी गरेर यी ठाउँहरूमा आक्रमण गर्न सक्छन्। यी व्यक्तिहरूले आत्मघाती आक्रमण पनि गर्न सक्ने बताइएको छ।
यो सूचना पाउने बित्तिकै विभिन्न ठाउँमा गहन छानबिन भइरहेको छ। दिल्ली पुलिसले सीमा क्षेत्रमा ब्लाक लगाएको छ। सबै गेस्ट हाउसहरू, होटलहरू र काश्मिर नम्बरका सवारी साधनहरूको लागि विस्तृत खोजी सुरू गरिएको छ। सीमा क्षेत्रहरूमा सवारी साधनहरूको बोनट खोलेर जाँच भइरहेको छ।
दिल्ली पुलिसले यस पटक कुनै पनि घरभाडेलाई घर दिनु अघि पूर्ण जानकारी लिन दिल्लीको घरमालिकलाई अपील गरेको छ। बस स्ट्यान्ड र रेलवे स्टेशनहरूमा गहन जाँचहरू भइरहेको छ।
दिल्ली पुलिसका सूत्रहरूले भनेका छन कि यी आतंककारीहरू उक्त अपराध गर्ने उद्देश्यले दिल्ली–एनसीआरमा प्रवेश गरेका छन्।
आतंकवादी जम्मू कश्मीरबाट कार, ट्याक्सी वा बसबाट दिल्ली प्रवेश गरेको स्रोतले बताएको छ। दिल्लीको बाहिरी उत्तरी जिल्लाका क्षेत्रहरूलाई विशेष ध्यान दिन आग्रह गरिएको छ।
(नेपाल समाचारपत्र दैनिकबाट)
