पछिल्लो २४ घन्टामा ३३१ संक्रमित थपिए, १७६ जना डिस्चार्ज
काठमाडौँ — पछिल्लो २४ घन्टामा नेपालमा ३ सय ३१ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयले शनिबार आयोजना गरेको नियमित मिडिया ब्रिफिङमा प्रवक्ता डा जागेश्वर गौतमले पछिल्लो २४ घन्टामा ३ सय ३१ जनामा संक्रमण पुष्टि भएको जानकारी गराएका हुन् । यो सँगै संक्रमितको संख्या ८ हजार ६ सय ५ पुगेको छ । झापा, सुनसरी, मोरङ, महोत्तरी, सर्लाही, बारा, बागलुङ लगायत जिल्लामा नयाँ संक्रमित भेटिएका छन् ।
प्रवक्ता गौतमले गएको २४ घन्टामा १ सय ७६ जना डिस्चार्ज भएको पनि जनाए ।
मन्त्रालयका अनुसार शनिबारसम्म नेपालमा आरडीटी विधिबाट २ लाख ५२ हजार ३०० नमुना परीक्षण भएका छन् । २४ घन्टामा ४ हजार ४२६ आरडीटी परीक्षण भएका छन् । पीसीआर विधिबाट भने हालसम्म १ लाख ६९ हजार १६५ परीक्षणहरु गरिएका छन् र २४ घन्टामा ७ हजार ४१६ परीक्षण भएका छन् ।
हालसम्म क्वारेन्टाइनमा रहनेको संख्या १ लाख २ हजार ४५ जना रहेका छन् । त्यसैगरी आइसोलेसनमा रहनेको संख्या ७ हजार ५ जना रहेका छन् ।
संक्रमितको विवरण
डोटी ६१
नवलपरासी पूर्व ३२
महोत्तरी २४
तनहुँ २३
बागलुङ २०
बैतडी १८
गुल्मी १८
पाल्पा १८
डडेलधुरा १२
झापा १
सुनसरी २
मोरङ ८
सर्लाही ९
बारा ४
कैलाली १
काठमाडौं १
नवलपरासी पश्चिम १
रामेछाप ३
रौतहट २
रुपन्देही १
धादिङ ८
भक्तपुर ७
स्याङ्जा १
रौतहट ५
कैलाली २
बाँके १४
बर्दिया ७
रुकुम पश्चिम १
दाङ ४
प्यूठान ८
(कान्तिपुर अनलाइनबाट)
