कोरोना असर: आज ९ थपिएपछि संक्रमित संख्या ३ सय ४
२०७७ जेठ ५ सोमबार ०९:५६:००
मा प्रकाशित
काठमाडौं । रौतहट र बारामा ९ जना कोरोना संक्रमित थपिएपछि नेपालमा कोरोना भाइरस संक्रमित संख्या ३ सय ४ पुगेको छ ।
स्वास्थ्य तथा जनसंख्या मन्त्रालयका अनुसार आज सोमबार रौतहट र बारामा गरी ९ जनामा कोरोना संक्रमण भएको पुष्टि भएको हो ।
रौतहट इशनाथ नगरपालिका वडा नम्बर २, ३, ६ र ९ का २१, २१, २३, २५, २५, २९ र ३० वर्षका पुरुषमा कोरोना देखिएको हो । रौतहटकै माधवनारायण नगरपालिका ३ की २८ वर्षीय महिलामा पनि संक्रमण देखिएको छ ।
यस्तै बारा करैयामाईका ३८ वर्षीय पुरुषमा संक्रमण देखिएको मन्त्रालयका सह(प्रवक्ता डा समिरकुमार अधिकारीले बताएका छन् । संक्रमित सबैको स्वास्थ्य अवस्था सामान्य रहेको बताईएको छ ।
कोरोनाले अहिलेसम्म एक महिलासहित २ जनाको ज्यान लिएको छ । उनीहरुको मृत्यु भएपछि मात्र कोरोना संक्रमण पुष्टि भएको थियो ।