मेरो साथी रामप्रसाद
डिलमा उभिएर
म खोज्दै छु,रामप्रसादको चोला
जो मसँगै सपनाको माला उन्थ्यो
किन उ मर्यो !
किन कलिलैमा उसका सपना मात्र होईन
उ स्वयम विलायो ?
अनी किन उ मेरो सपनामा बल्झीरहन्छ ?
र,भन्ने गर्छ-साथी मसँग पनि सपना थिए
लक्ष्य थिए-योजना थिए
र,'मान्छे' बनेर प्रगति गर्ने लालसा थिए
उस्का सपना र चाहनाले मलाई झस्काउँछ
अनी उसका यादहरुले मलाई सताउँछ
रामप्रसाद यतै-कतै संघर्ष गर्दै होला !!
आफ्नो पहिचान स्थापित गर्न
नाम चम्काएर दुनियॉलाई चिनाउन
सम्पती कमाएर सुखभोगको छटपटीमा
रामप्रसादको आत्मा यतै-कतै तड्पिएको होला
म चुवाको बोट छेउको डिलबाट च्याउंदैछु
रामप्रसादको अस्तित्वको खोजीमा
म कयौ निरिह किशोरवयलाई औल्याउँछु
तर खै रामप्रसाद पाउँदिन,
असंख्य रामप्रसादका भिडले मलाई घेर्छ
र भन्छ-
हेर साथी जीवनको सार्थकतामा
तिमी तड्परीरहेको छौँ
मलाई हेर,म सपनाहरुको संसारबाट
बिदा लिएर शान्तिको लोकमा छु
तिमीलाई तडपाईरहेको छु !!!!
***********
मिति: २०७६/१२/१७