विवादमा तानिए दुर्गेश : ‘ह्याप्पी तिहार’ गीतका कारण परे पक्राउ

काठमाडौँ । गायक दुर्गेश थापाको पछिल्लो बजारमा आएको ह्याप्पी तिहार गितमा लफडा सिर्जना भएको छ ।  उनलाई ‘ह्याप्पी तिहार, चिसो बियर’ गीतले विवादमा तानेको हो । 

‘ए निकाल गाँजा, खानुपर्छ आज’ भन्ने अंश कानून विपरित भएको भन्दै उनीमाथि उजूरी परेको हो । तिहारको बेलामा गाजा र बियर खाने प्रचार गरेको भन्दै उनीमाथि आलोचना हुदै आएको थियो । 

गाँजा कानुनी रुपमा प्रतिबन्धित गाँजा छ । सोहि कारणले दुर्गेशविरुद्ध जिल्ला प्रशासन कार्यालय काठमाडौंमा उजुरी परेको थियो । 

प्रशासनको आग्रहमा गायक दुर्गेश थापालाई पक्राउ गरिएको महाशाखाका एसएसपी सहकुल थापाले लोकान्तरलाई जानकारी दिए । कारवाहीका लागि प्रशासन कार्यालयले महानगरीय अपराध महाशाखा टेकुलाई गायक दुर्गेश थापालाई झिकाउन निर्देशन दिएको थिया । 

उनले तीजको बेला ‘हामी पनि नाच्नुपर्छ बीच्च–बीच्चमा’ गीत चर्चित भएका थिए ।