श्रीमतीले लात्ती हान्दा....

नियतिले लात्ती हान्दा
न घर हुन्छ न घाट हुन्छ,

श्रीमतीले लात्ती हान्दा
न भुइँ हुन्छ न खाट हुन्छ,

प्रकृतिले लात्ती हान्दा 
न पहाड हुन्छ न फाँट हुन्छ,

तीनै चिज मिसिइ दिँदा
न जाँगर हुन्छ न आँट हुन्छ,

जाँगर र आँट मरे पछि
न दम्भ हुन्छ न ठाँट हुन्छ,

दम्भ, ठाँट सकिए पछि
जीवन आफैँमा पाठ हुन्छ,

यति पाठ नि नसिक्ने चाहिँ
कि चोर हुन्छ कि ढाँट हुन्छ ||

  (पत्रकार युवराज आचार्यको रोचक कविता उनको फेसबूकबाट साभार)