वर्षाको असर विमानस्थलमा पनि, अधिकांश उडान प्रभावित
२०७६ असार २७ शुक्रबार १०:४७:००
मा प्रकाशित
![](https://archive.saralpatrika.com/uploads/news/images/1871460074BAGMATI-CLEAN-copy-13102017074155-1000x0.jpeg)
काठमाडौं, २७ असार । लगातारको वर्षाको असर चौतर्फी रुपमा परेको छ । यसको असर विमानस्थलहरुमा पनि देखिएको छ ।
बिहीबारदेखि परिरहेको पानीले काठमाडौंबाट हुने धेरै उडान प्रभावित भएको छ । केहि आन्तरिक उडानहरु रद्द भएका छन् भने अवस्था हेर्दै केहि उडान जारी रहेको छ । त्यस्तै अन्तर्राष्ट्रिय उडान पनि समयमा हुन नसकेको बताईएको छ ।
ु
काठमाडौं बाहिरका विमानस्थलहरु तुम्लिङटार, धनगढी, भोजपुर, लुक्ला विमानस्थल पानीको कारण संचालन हुन सकेको छैन । लामिडाँडाँ र फाप्लुमा पनि यस्तै समस्या रहेको बताईन्छ ।
अहिलेसम्म पोखरा, भैरहवा र विराटनगर भने आंशिक रुपमा चलिरहेको छ । उडानको संख्यामा भने कमि रहेको बताईएको छ ।
निरन्तर वर्षा भइरहेपछि निकास राम्रो नभएको स्थान जलमग्न भएको छ भने वर्षा र हावाको कारण जनजीवनमा प्रत्यक्ष असर परिरहेको बताईन्छ ।
तस्विर: अघिल्लो वर्षको फाइल तस्विर