यस्तो छ प्रियंका चोपडाको नेपाली फिल्मको टिजर
२०७५ मङ्सिर ६ बिहीबार १३:४९:००
मा प्रकाशित
काठमाडौं । बलिउड अभिनेत्री प्रियंका चोपडाले निर्माण गरेको नेपाली भाषाको फिल्म ‘पाहुना’को टिजर सार्वजनिक भएको छ ।
टोर्नाटो फिल्म फेस्टिभलमा बेस्ट फिल्म (जुरी च्वइस) अवार्ड पाएको ‘पाहुना’ ७ डिसेम्बरमा रिलिज हुने छ । पर्पल पेबल पिक्चरर्सको ब्यानरमा निर्माण भएको यो फिल्ममा ईशिका गुरुङ, अनमोल लिम्बु, मञ्जु केसी, सरन राई लगायतका कलाकारले अभिनय गरेका छन् ।
प्रियंका चोपडा र मधु चोपडाले निर्माण गरेको ‘पाहुँना’ सिक्कीममा बनाइएको हो । मधु चोपडा प्रियंकाकी आमा हुन् । दुवै आमाछोरीले निर्माण गरेको फिल्म बालबालिकाको कथामा आधारित छ ।
यो फिल्मको टिजरलाई दर्शकले मन पराएका छन् । यसको टिजर दुई दिनमा ६ लाखले हेरिसकेका छन् ।
