यसकारण बेंगलोर पुगे दीपिका र रणवीर
२०७५ मङ्सिर ४ मंगलबार १२:२९:००
मा प्रकाशित
काठमाडौं । भरखरै विवाह बन्धनमा बाँधिएका बलिउड अभिनेत्री दीपिका पादुकोण र अभिनेता रणवीर सिंह बेंगलोर पुगेका छन् ।
बुधबार बेंगलोरमा प्रितिभोज राखिएको छ । त्यसका लागि उनीहरु मुम्बईबाट बेंगलोर पुगेका हुन् ।
बिहेपछि दीपिका र रणवीरका परिवारजन र नातेदारका लागि पहिलो प्रितिभोज आयोजना गर्न लागिएको जनाएको छ । भारतीय मिडियाका अनुसार, बुधबार बेंगलोरमा आयोजना हुने पहिलो प्रितिभोजमा दीपिका र रणवीरका परिवारजन र नातेदारमात्रै सहभागि हुने छन् ।
यसपछि अर्को प्रितिभोज २८ नोभेम्बरमा हुने छ । दोस्रो प्रितिभोज बलिउड कलाकारका लागि आयोजना गर्न लागेको जनाएको छ । यसमा सहभागिताका लागि बलिउड हस्तीहरुलाई निमन्त्रणा दिइसकिएको जनाएको छ ।