एमालेका कसैले पनि एनसेल प्रयोग नगर्ने
२०७३ चैत ११ शुक्रबार ०९:१०:००
मा प्रकाशित
![](https://archive.saralpatrika.com/uploads/news/images/1080628387NCELL-1-300x169.jpeg)
काठमाण्डौ, ११ चैत । अनेरास्ववियुले आफ्नो मातृ संगठन नेकपा एमालेका नेता तथा कार्यकर्ता, विद्यार्थी र सर्वसाधारणलाई सरकारलाई पुँजीगत लाभकर नतिर्ने ‘एनसेल’ प्रयोग नगर्न आग्रह गरेको छ ।
अनेरास्ववियुका कावा अध्यक्ष रश्मि आचार्यको अध्यक्षतामा शुुुक्रबार बसेको स्थायी कमिटी बैठकले एनसेलले सरकारलाई बुझाउनुपर्ने कर सबै नबुझाएसम्म प्रयोग नगर्न आग्रह गरिएको सचिव आरसी लामिछानेले जानकारी दिए।
लामिछानेका अनुसार बैठकले आइतबार अर्थमन्त्री र लेखा समितिका सभापतिलाई कर तिराउँदा दबाब दिनका लागि ज्ञापनपत्र बुझाउने र सोमबार देशभरि विरोध सभा गर्ने निर्णय पनि गरेको छ । बैठकले समयमै विद्यालयस्तरको पाठ्यपुस्तक विद्यार्थीका हातमा पु¥याउन सरकारको ध्यानाकर्षण गराएको छ । रासस